Архив материалы буйынса 1812 йылғы Ватан һуғышы яугире есаул Аллабирҙе Аҫылморатовтан алып, бөгөнгәсә тыуған иленә хеҙмәт иткән, ғорурланырлыҡ ҡан туғандары барлығын асыҡлай. - О л а т а й ы м И б ә т у л л а З а һ и ҙ у л л а у л ы А л л а б и р ҙ и н ( 1 8 6 1 - 1 9 1 9 ) Рәсәй императорының гвардия полкында хеҙмәт иткән. Өлкән улы Минеғужа тәүҙә - батша армияһында офицер, революция башланғас, ҡыҙылдар яғына сығып, граждандар һуғышында РККА составында аҡтарға ҡаршы көрәшә. 1919 йылда аҡтар ҡулына эләгеп, язалана -- Стәрлетамаҡ мунсаһында эҫе һыуға бешереп үлтерәләр. Ибәтулланың икенсе улы Исхаҡ -мәҙрәсә тамамлап, Беренсе донъя һуғышында полк муллаһы вазифаһын башҡара. Граждандар һуғышында ла ҡатнаша. Зәки Вәлиди ҡулы аҫтында эшләүе һөҙөмтәһендә, «халыҡ дошманы» мөһөрө тағылып, Сталин лагеры яфаһын да татый. Әйткәндәй, Исхаҡ бабайымдың улы Спартак Сәғитов Мәскәүҙә оборона өлкәһендә эшләп, фән докторы, СССР Дәүләт премияһы лауреаты булған кеше. Һиҙиәтулла бабайым 30-сы йылдарҙа колхоз төҙөү эшендә ҡайнай, Йәлембәттә төрлө йылдарҙа «Үрнәк» колхозы, ауыл Советы рәйесе вазифаларын башҡара. Һуғыштан ул һыңар аяҡ менән ҡайта. Атайымдың бер туған ҡустыһы Исмәғил ағай хәрби - Башҡорт кавалерия дивизияһы составында илде азат итеүҙә ҡатнаша. Капитан. Тыуған ауылына ауыр яра алып, сәләмәтлеге ҡаҡшап ҡайта ул. Күрәһегеҙме, бер ғаиләнән генә күпме яугир сыҡҡан! Ә ике - өс туғандарҙы ла барлай башлаһаң, осона сығырлыҡ түгел! - ти ғорурлыҡ менән Борис Сәғитов. Ә үткән йыл ул 40-тан ашыу быуын нәҫел-нәсәбе индерелгән «Есаул Аллабирҙе нәҫеленең үткәне һәм хәҙергеһе» («Былое и настоящее рода есаула Аллаберды») шәжәрә китабын эшләп, туғандарына бүләк итә.
