Рәхмәт һиңә, уҡытыусым,
Күңелемә яҡын байрам –
Уҡытыусылар көнө.
Беҙгә белем бирер өсөн
Улар ялғай көн, төндө.
Ихлас күңелдән ҡотлайым,
Айырмай берегеҙҙе.
Хисапларға өйрәттегеҙ,
Һөйөргә телебеҙҙе.
Һалған көстәр, бар тырышлыҡ
Сыҡмаҫтар эҙһеҙ юҡҡа.
Белемлеләр һыуҙа батмаҫ,
Янып та тормаҫ утта!
Рәхмәт һиңә, уҡытыусым,
Ҡыҙғанмайһың үҙеңде.
Шуҡлыҡтарҙы кисерәһең
Булғанға бик түҙемле.