17 апрель В.И.Ленин исемендәге 2-се һанлы Стәрлетамаҡ лицей-интернатында онлайн форматта Башҡортостан Республикаһы халыҡтарының милли кейемдәренә арналған саралар үткәрелде. Башҡорт теле, МХК, ОДНКНР, рус теленән онлайн дәрестәрҙә, класс сәғәттәрендә уҡытыусылар һәм тәрбиәселәр балаларҙы күп милләтле республикабыҙ халыҡтарының милли кейемдәре, орнаменттары, биҙәнеү әйберҙәре менән таныштырҙы. Йәш быуындың иғтибары халыҡтарҙың тарихи–мәҙәни мираҫын өйрәнеүгә, һаҡлауға йүнәлтелде, һәр халыҡтың милли кейеме уның ғорурлығы икәнлеге күрһәтелде. Педагогтарҙың һәм уҡыусыларҙың күбеһе онлайн дәрестәргә милли костюм кейгәндәр ине.