|
вчера в 19:26
 "Остаз" Стәрлебашта
24 ноябрь Стәрлебашта "Остаз" республика конкурсының етенсе зональ этабы үтте.
Сарала Ауырғазы, Ғафури, Ишембай, Мәләүез, Стәрлебаш, Стәрлетамаҡ, Федоровка, Миәкә райондары, Стәрлетамаҡ, Күмертау ҡалалары, А. Достовалов ис. Башҡорт кадет корпусы, Ленин ис. 2-се Стәрлетамаҡ лицей-интернаты, М. Рәхимов ис. 3-сө башҡорт республика гимназия-интернаты командалары ҡатнашты.
Педагогтар сағыу, йөкмәткеле сығыштары менән ҡыуандырҙы. Һәр команданың үҙенә генә хас педагогик алымдары, ҡабатланмаҫ фекере бар.
Конкурс һөҙөмтәләре түбәндәгесә:
"Еңеүгә ынтылыш" номинацияһында Стәрлетамаҡ ҡалаһының 62-се балалар баҡсаһы, Ауырғазы районы командаһы билдәләнде.
"Һөнәремә тоғро ҡалам" номинацияһында Федоровка районы, М. Рәхимов ис. 3-сө башҡорт республика гимназия-интернаты еңеүсе тип табылды.
"Милли мәғарифтың ныҡлы ҡалҡаны" номинацияһы еңеүселәре: Стәрлетамаҡ, Ғафури райондары.
3-сө урынды Мәләүез, Миәкә, Күмертау командалары бүлеште.
2-се урынды Ленин ис. 2-се лицей-интернаты, Стәрлебаш, Ишембай районы командалары алды.
1-се урынды Волга буйы федераль округының Рәсәй геройы А. Достовалов ис. Башҡорт кадет корпусы, Стәрлетамаҡ ҡалаһы командалары яуланы.
Еңеүселәр 14 декабрь - Башҡорт теле көнөндә төп приз өсөн көрәшеү хоҡуғын ала.
Зональ уйындар тамам. Алда финал уйыны.
|
