"Яҡшылыҡ булһын атығыҙ,
Кеше булһын затығыҙ!"
11 декабрҙә Стәрлетамаҡ ҡалаһының 3-сө гимназияһында "Аҡ тирмә" милли-мәҙәни үҙәге етәксеһе Рәйсә Абдрахман ҡыҙы Күзбәкова менән бик матур осрашыу булды. Был сарала беҙҙең Ленин исемендәге 2-се һанлы Стәрлетамаҡ лицей-интернаты, 3-сө башҡорт лицей-интернаты, 3-сө гимназияның директорҙары, директор урынбаҫарҙары, башҡорт теле һәм әҙәбиәте уҡытыусылары, тәрбиәселәре ҡатнашты. Рәйсә Абдрахман ҡыҙы ентекле итеп "Урал батыр" мәктәбе" проекты тураһында һөйләне. "Проекттың төп нигеҙен халҡыбыҙҙың мәшһүр "Урал батыр" эпосы тәшкил итә,"' - тине ул. Осрашыу бик фәһемле, файҙалы булды.