Быйылғы йыл осрашыуҙарға бай . Төрлө йылдарҙағы сығарылыш уҡыусылары тыуған мәктәптәрен, уҡытыусыларын, тәрбиәселәрен һағынып, ашҡынып, ҡанатланып  лицей-интернатҡа йыйылдылар. Үҙҙәре уҡыған класс бүлмәһендә ҡабаттан парта арттарына ултырып, дәрестә кеүек хис итеп, мәктәп йылдарындағы иҫтәлектәре тураһында тулҡынланып һөйләнеләр. Лицей коридорҙары буйлап атлағанда, йоҡо бүлмәләренә ингәндә  мәктәп тормошонан  төрлө ҡыҙыҡлы хәлдәрҙе иҫкә төшөрҙөләр, музейҙа фотолар ҡарап, бала саҡтарына әйләнеп ҡайтҡандай булдылар.